Landatze momentu goxo bat eskolan !

        

Azaroko aste honetako eguraldi goxoa erraboilak landatzeko baliatu dugu. Bulbs4Kids operazioaren karietara 600 erraboil (tulipa, nartziso, azafrai eta scilla) errezibitu genituen.

Nazioarteko ekimen horri esker, klaseek natura ezagutzeko aukera dute, erraboil, tresna ttiki eta material didaktikoa biltzen dituen urririk den kit bateri esker.

 

Urrats hau familiekin elkarlanean egina izan da, lore untziak eta lurra eskuzabaltasunez eskolarat ekarri baizuten : egiazko proiektu kolektibo bat gure eguneroko ingurumena edertzeko !

 

Aktibitate hau eskolako egitarauetan osoki sartzen da, biziari behatzea, ziklo naturalak ulertzea eta ingurumenarekin lotura duten proiektu zehatzetan parte hartzea sustatzen baitute.

 

Partekatze momentu polit bat : haur zoriontsuak, eskuak lurran, lorezaintzako plazerra agerian erakutsiz !

 

Pazientzia beharko dugu orain… Udaberrian hitzordua ematen dauzuegu landaketa guzi hauen loraldia miresteko.

Mintzaldia : « Pantailen eragina haurrengan »

Sarako buraso, erakasle eta biztanleak hor ziren gure erabilpen digitalei buruz eta horiek gazteenen garapenean dituzten ondorioei buruz elgarrekin pentsatzeko.

🧠 Ikasi duguna

Azalpen argi eta zehatzei esker, Maialen Torrek haurren burumuinak pantailen aintzinean nola erreakzionatzen duen ulertzen lagundu du.

Pentsatzen dugunari kontra, pantaila baten aintzinean emandako denborak ez du haurra lasaitzen : bere burumuina ainitz estimulatzen du eta pausatzen trabatzen du.

Emaitza : burumuin bete bat, gero kontzentratzea, ikastea edo emozioak kudeatzea kostatzen zaiona.

 

💬 « Pantaila baten aintzinean, haur baten burumuina ez da pausatzen : nekatzen da. Eta betea delarik, ez du gehiago energiarik kontzentratzeko eta ikasteko. » – Maialen Torre, psikologoa.

 

💡 Familiendako aholku gakoak

Haurrak ingurumen orekatu batean hazten laguntzeko eta haien garapenerako beharrezkoa den arreta gaitasuna garatzeko, parte-hartzaileak lau arau sinple eta eraginkor partekatu ditu :

 

🚫 Inoiz ez goizetan eskolarat joan aintzin

🚫 Inoiz ez pantailarik jaten dugun bitartean

🚫 Inoiz ez lo egin aintzin

🚫 Inoiz ez ganbaran

 

Erreferentzia horiek trukaketak errazten dituzte, mahai joko momentuak, sortzeko gaitasuna, lo kalitatea hobetzen dute eta arreta zaintzen dute.

 

🤝 Arrats aberasgarri bat

🥐 Gustuaren astea : gosari partekatu bat eskolan !

Urriaren 17a, ostiralean Gustuaren astearen denboran, Sarako San Josepe eskolako ikasleek plazerrekin parte hartu dute gosari partekatu handi batean.

Momentu atsegin eta goxo bat, ikasle guziak bildu dituena, ttipien gelatik CM2-rat !

 

Astean zehar, klase bakoitza mobilizatu da proiektu kolektibo horren prestatzeko. Maila bakoitzak elikagai desberdin bat ekartzeko eginkizuna zuen, gosari oso eta orekatu bat egiteko elgarrekin.

Fruituak, esnea, zerealak, iaurtak, gasna, xingarra, erreximenta, fruitu jusak bai eta ere goizeko ogi freskoa… dena bildua zen eguna ongi hasteko !

Familien parte hartze aktiboari esker, haurrek gustu berriak ezagutu ahal izan dituzte, hitz egin janariari buruz eta plazer momentu bat partekatu ahal izan dute mahainan. Irriek eta eztabaidek goiz eder hori erritmatu dute ; lankidetzaren, jakinminaren eta beste manera batez ikasteko plazerraren sinboloa.

 

Milesker handi bat familiei haien eskuzabaltasun eta inplikazioagatik bai eta ere hezitzaile taldeari momentu aberats hunen antolatzeagatik.

Esperientzia horrek oroitarazten gaitu elgarrekin jatea, elkar bizitzen erakasten gaituela !

IHAUTERIAK

Bai heldu den ostiralean Ihauteriak ospatuko ditugu eskolan !!!

Horra eginen dugun dantza.

Beraz errepika on ttiki eta handi guzieri !!!

Dantza

ABENDUAREN 14-a, LARUNBATA

Gehienek jadanik jakin duzuen bezala, abenduaren 14-an larunbata (11-etik arratsaldeko 4-ak arte) « agurra-ren eguna » izanen dugu.

Famili guziak, auzo eta abar gomitatzen ditugu azken itzuli bat egiteko. Marrazki eta argazki erakusketak  atxematen ahalko dituzue.

Taloak salgai izanen dira, eta burasoek ostatu bat antolatuko dute.

Eguerditan haurrek ikasi dituzten bi kantu emanen dituzte.

Zuen etxeetan argazki edo dokumentu zahar batzu atxematen baldin badituzue, aintzinetik milesker eskolari prestatzea.(saintjosare@orange.fr)

Laster arte.

Hezkuntza taldea

MANIOBRA HANDIEN HASTAPENA

Abendua, aldaira handiaren hilabetea izanen dugu. Egiazki lekuz aldatu aintzin berotze ttiki bat proposatzen dauzuegu.

Erakasleek sailkatu dituzten puxkak hondarkintegirat eraman beharko dira. Hiru gela husteko dira :

– materialeko gela (gainean) ;

– informatikako gela ;

– aterbeko sotoa.

Ez dira alimaleko gauzak izanen, otoetan sartzen ahalko dira bainan furgonetak baldin badira hainbat hobe.

Itzuliak egiteko10 bat buraso beharko genituzke abenduaren 6an, ostirala. Hondarkintegia arratsaldeko 6 ontan hesten baita arratsaldeko 2-etatik 5-ak eta erdi arte lanean aritzea proposatzen dauzuegu.

Aintzinetik milesker eskolari jakin araztea ea parte hartuko duzuenez (erakasleeri erranez, e.postez igorriz,…).

 

Gainera, bestetako gehiegikeriak kanporatzeko zatozte gurekin aldaira handirat izerditzera :

ABENDUAREN 27an OSTIRALA eta 28an LARUNBATA

Xehetasun gehiago geroxo izanen dituzue bainan jadanik egun horiek gogoan atxiki.

Hezkuntza taldea

ARGAZKIAK

Argazkiak etorri dira. Ostegunetik manatzen ahalko dituzue papertxoa betez.

Euskaraldia

Heldun den astelehenean (18/12/03an) gure Euskaraldiaren gertakaria kontzertu ttipi batekin bururatuko da.

Trebatu nahi baldin bazira gurekin kantatzeko horra gure errepertorioa.

Astelehen arte 4ak eta laurdenetan !!!

 

Haurrak ikasazue

Haurrak ikasazue euskaraz mintzatzen. Ongi pilotan eta oneski dantzatzen (x2)

Gure kantu xaharrak kontzerba ditzagun. Aire politagorik ez da sortu nehun (x2)

 

Guk euskaraz

Guk euskaraz, zuk zergatik ez? (x2)

Euskara putzu sakon eta ilun bat zen. Eta zuek denok ur gazi bat atera zenuten handik nekez.

Orain zuen biturtez, zuen indarrez. Euskara itsas urdin eta zabal bat izanen da eta gurea da.

 

Euskal Herrian euskaraz

Euskal Herrian euskaraz. Nahi dugu hitz eta jolas. Lan eta bizi euskaraz eta hortara goaz.

Bada garaia noizbait dezagun guda hori gal edo irabaz.

Zabal bideak eta aireak gure hizkuntzak har dezan arnas.

Bada garaia noizbait dezagun guda hori gal edo irabaz.

 

Ni ere bai

Gauzak esateko hitzak beharrezkoak dira

Elkar ulertzeko sortzen dira hizkuntzak

Loreak bezalakoak egunero zaintzen dira

Ura bota behar hiltzen dira bestelan

 

Euskara bihurtuko da loretxu bat

Guk denok landatua

Goazen ba korrika (2x)

Euskara mintzatuz gure artean

Belaunaldiz belaunaldi

Korrika korrika ni ere bai

 

Goazen korrika gure euskara zaintzera

Nagusiok ere badugu aukera

Ez izan lotsati ez esan berandu dela

Guztion laguntza eskatzen da korrikan

 

SARTZEA

Egun on deneri,

Ia Irailaren 4a sartzea egin dugu eta dena ongi pasatu da. 116 ikasle hor ziren. Kasik denak kontent , nigar gutti izan dira. Herriko bestak aintzin, sartzeko bilkurak egin ditugu. Eskertzen zaituztegu nombre handian etorri zaretelakotz. Erakasleen bilkura eta gero, APELeko biltzar nagusia izan da haien lana presentatzeko eta laguntza galdetzeko urte huntarako .

Urte on deneri , alaia eta ona izan dadin.

Laister arte.